سيبها علي الله ” أغنية جديدة ” كلمات الشاعر… أشرف يوسف
بتشيل الحزن ف قلبك ليه
وبتحسب لليوم اللي ماجاش؟!!
..
أيام العمر أوام بتفوت
سيبها علي الله وما تحسبهاش
..
ماتقولش يابكره ازاي هتكون
عيش فيها وسيبها لرب الكون
..
دي الدنيا دي مره وبنعيشها
مش أكتر من مره بتتعاش
..
سيبها علي الله وما تحسبهاش
..
ليه تشغل روحك بالتفكير؟!!
طول ما انت بعافيه الدنيا بخير
..
مش معني ان انت صبحت فقير
تيأس ويضيع العمر بلاش
..
سيبها علي الله وما تحسبهاش
..
والله دا ربك رب قلوب
وِالْغِنَا والفقر دا شيء مكتوب
..
ليه تزعل ليه وتشيل الهم
وطول العمر ما تتهناش ؟!!
..
سيبها علي الله وما تحسبهاش
..
الأربعاء بتاريخ ٢٠٢٣/١/١٨م
بقلم الشاعر : أشرف يوسف
التعليقات مغلقة.