في الصوره…بقلم حسن أبو عرب
تأَمَّل بُص فى الصوره
لبنت رقيقه عصفوره
كعود ياسمين
بريئه جميله شطُّورَه
مفيش فى أدبها تلقَى اتنين
عفيفه حُرَّه كالدُرَّه
بقلب حَنِّين
ودقق تانى واتأَمِّل
لناس بالصبر تتحمل
وفوقها الهم متلتِل
لكن صامدين
ودقق تانى فى الصوره
تبان الصوره معكوسه
لناس بالدنيا مهوُسَه
وناس عيشَاهَا بالكُوسَه
وناس م الجن ملموسه
وناس منحوُسَه موكُوسَه
ضمير ميت بقَالُه سنين
برغم العَتمَه فى الصوره
وشرخ يقول دي مكسوره
هيِّجِي النور ويتسرسب
لأرض البُور
يحَنِّيهَا ووضِّيهَا
بماء وطهُور
فتطرح حُور
تفُوح بعطُور
ورود وزهور
تقُول انا بنت عربيه
وشاميه ومصريه
أنا العدرا وانا الطاهره
أنا حطين أنا حطين
التعليقات مغلقة.