ورد ومطر…بقلم اشرف الشناوى شاعر عاميه المنصوره البرامون
لما تضحك
تلقى روحك طايره بيك
تلقى كل الدنيا حلوه
حلوه خالص وفى عينيك
فاوعى حزنك يكسرك
ويضحك عليك
غربل الاحزان يوماتى
لم فرحك من جراحك
والأمل خليه سلاحك
ضحكتك هى الطريق
هى روح الأمنيات
فاوعى قلبك تحبسه
جوا اسوار السكات
طول ماقلبك نبضه داير
مش هترجع للى فات
ارسم الاحلام ليلاتى
وسط اوجاع القدر
مهما كان الليل غبى
برضه هنشوف القمر
كمل اللحن فى حياتك
حتى لو فاضل وتر
وأسأل الورد اللى ميت
روحه ردت بالمطر
ضحكتك طوق النجاه
فاوعى قلبك ينكسر
وارمى حزنك برا منك
بكره ترتاح م السفر
واوعى تنسى فى يوم
جراحك
تقلعك زى الشجر. …………
التعليقات مغلقة.