سلام سلام شعر.. وافي إسماعيل شلبي
يا قلب بيسلم لناس
ملهاش أمان
يا قلب دايب م الهوى
دايق غرام
يا قلب متعلق بخيط
ولا مرة ما خان
الكاس وداير ع الحياة
بكل الوشوش
فيه ناس كتيره بتشربه
ولا تعرفوش
وناس كتيره بتشتري
شوية حنان
وناس وبايعة للهوى
ما تحسهوش
وناس بتسلخ في الجراح
بحد الكلام
وناس بتبكي ع اللي راح
ولا تنسهوش
القلب بيغير للون
من بعد شوف
لكن اللي داق
لو مرة واحدة
يهت خوف
يا قلب فاطم للحنين
بعد إصطبار
يا قلب لاضم بالجدار
نبض الوشوش
كل الحشا بيهز فيك
وأنت تقول
ما دمت دايق م الحياة
نبض الكلام
دا مستحيل أبيع وأخون
ولو فيه نجاه
التعليقات مغلقة.