عافر واضحك.شعر اشرف الشناوى
اوعاك تتنازل عن حلمك
او حقك فى الدنيا يضيع
كمل خطاويك واصلب طولك
وازرع فى غيطانك نور
واقفل جرحك
بكره الاحلام هاتصالحك
وهتضحك وتموت م الضحك
عافر فى جبال الصبر
واطلع من جوا القبر
بكام غنوه
صدقنى الدنيا
فى غابوتها حلوه
اوعاك تتنازل لو ثانيه
وأفرد امانيك ادامك
تتكسر اكبر اوهامك
واتشعبط فى القطر ان عدا
وبدمعك غسل واتوضا
الفجر اكيد جايلك
من حرب الرده
شايل على كتفه
الصبح المدبوح
الضم شراشيب الروح جواك
وارمى الوجع المتمدد فيك. براك
واوعى تبص وراك
تخطفك العفاريت وتشدك
وتغير فى ملامح وشك
اياك تتنازل عن حلمك عن حقك
او يفضل وجعك بيطاردك
او حقك فى الدنيا يضيع
حاول لو هتكمل
حلمك ترقيع
التعليقات مغلقة.