الأرض … بقلم علا فياله

أرض ناسك من أساسك
والجدور من صلب فاسك
لو ف ليلك حد داسك
الفروع ف الإيد سلاح
لما يتعب يوم طريقك
أو ف عتمه يتوه صديقك
تلقى صوتك بل ريقك
والأدان بيقول فلاح
يعني غرسك هو شمسك
هو بكره وهو أمسك.
لو يعاند لحظه يأسك
في الحصاد هايكون نجاح
حِب حِب كتير هاتقدر .
.حس طعم الدنيا سكر ..
مهما كانت لسه أكتر
مهما قابلتنا الجراح
مش هانندم ع اللي فاتنا
مش هانيأس من حياتنا ..
بكره ساكن جوا ذاتنا.
و ذاتنا شايفه الكون براح

.