الشمس بايعة دفاها . شعر.معوض حلمي
مش باقي مني غير عيون صاحيين
ودمـوع بتنعي ضحـكة إمــــبارح
الخـلق ماشـيه م الشـعور خاليين
والدنـيا غـابـه بفعــــلنا الجــــارح
زلـزال بيهـدم كـل حلـــــو وزيـن
والحـــلم لمــــلم فكــــرته ونـازح
هابيل بيعرض لحمه ف الميـادين
وقابيل بيـدبح كـل طــير سـارح
حــروفي نازفه ع السطور ياسـمين
والخـوف بيقـطف وردهـا الطارح
مش باقي مني غير عيون صاحيين
ودمــوع بتـنعي ضحـكة إمــبارح
مش باقي مني غير ضمير الفاس
ورجول بتدبي ع الجسور حافيين
وناس غـلابه بتشـحت الإحساس
والحزن نايم في القـلوب ودفين
الفـقر داير في الجـيوب عسـاس
والبرد فاتـح في الجدار طاقتين
معـــادش ضـبه تســد ولا ترباس
ولاعـادش زارعه تسد هـم الدين
الريح بترعب في الحواري الناس
والشـمس بايعـه دفاهـا للشاريين
مش باقي مني غير ضمير الفاس
ورجول بتدبي ع الجسور حافيين
مش باقي مني غير وجع مكـبوت
وقصــــيده تايـه مــني عنـــوانها
فيها المعـاني اتوشـحت بالمــوت
فيـها المشــاعر لابســـه أكفـــانها
سـايل مـــــدادي والقــــلم نبـوت
بابدر حـروفي واروي ف عـيدانها
تطـرح أمـانها ع الســكك وتفـوت
تعـدل كفـافي الحسـبه ومـيزانها
الروح سايبها طايره في الملكوت
والنـيه فـيا ، وحـب النـبي زانـها
مش باقي مني غير وجع مكبوت
وقصــــيده تايـه مــني عنـــوانها
التعليقات مغلقة.