محلا رمضان ….بقلم أيمن عصام الديب
مرحب ياشهر الصيام
مرحب ياشهر الصيام
بنشوفك من عام لعام
بتهل باأحلي الألوان
وقلوبنا بتنشد موال
هل هلالك يارمضان
اللمة وياك بتخدنا
والشوق ديما بيجمعنا
وتملي بالهنا أيامنا
والفرحة تلألأ في عيونا
وصلاة التراويح محلاها
بقضيها وعايش جواها
والسهرة تحلي بما فينا
وسحور ديما بيقوينا
فوانيس حلوة ويا الزينة
أطفال وكبار كده باإيدينا
وأنا فرحان ديما بوجودك
حبيب ومستني وعودك
أمسك ناي وتمسك عودك
نعزف لحن أننا فرحان
حتي في صبحك
وأنا عطشان
وتجيلي من عام لعام
والله محلا رمضان
والله محلا رمضان
التعليقات مغلقة.