دقة قلب…بقلم امل محمود عبد الرازق
دق الحب علي بابي
طول ولا بطل
فتحت له قلبي
وقلت له اتفضل
زائر رقيق ياناس
غرقني بالإحساس
وهواه يرد الروح
ويعالج المجروح
فتحت له بابي
وقلت أهي مرة
وليه أرد الباب
طول عمري وأنا صابرة
نفسي أعيش وياه
وأتهني بشبابي
أتمني كل رضاه
وافتح له أبوابي
أحكي له عن حبي
واعطيه حنان قلبي
ياخدني لغرامه
وأشاركه أيامه
أروح معاه لبعيد
في جزيرة الأحلام
وأخلي عمره سعيد
ولايدري بالأيام
أزرع معاه الحب
واجني معاه الشوق
واسقي معاه القلب
وياخدني حبه لفوق
يانبع بستاني
ياحبي وزماني
أنت رفيق العمر
وإشارة منك أمر
خدني في أحضانك
واحرقني من نارك
خبيت كتير حبي
وحصنته في قلبي
والناس بتسألني
عن قلقي عن حيرتي
مش عارفه أرد بإيه
وخايفه ياناس عليه
دا الكحل في عينيه
ما حس يوم بيه
أشكي لمين الشوق
ومين هيرحمني
غير حد منه يدوق
يمكن هيفهمني
يادمع إحكي له
يمكن في يوم يجي
ولا أمشي وأجيله
دا القلب مشتاق له
التعليقات مغلقة.