فى القَطر … بقلم حسن أبو عرب
فى القطر راجل
بيشتكي حالُه
حركاتُه كات تمتَمَه
وكلامُه غير مفهوم
أنا شوفته
جسمى اتنفض
مِن حالتُه واحوالُه
صار جسمي نار محموم
الصِدق باين قوي
من رعشة اوصَالُه
و الحُوجَه مُرَّه ياقُوم
عجبا لطَبع البشر
وغريبه أفعالُه
الطيبين كالمطر
أما الزَبَد بيعُوم
قلبك دا ليه صار حجر
البخل رسمالُه
فاقد بصيره وبصر
م الرحمه صار معدوم
ع الخلق سُقت البَطَر
مش راضى بالمقسوم
راكب لمُوجة الخطر
ولكل ظالم يوم
فانظر صناعة القدر
دنيتنا فيها العبر
قم سبح القيوم
خليك ربيع الشجر
ليه تبقى وطن البُوم
م الخلق مين يابشر
الدنيا دَايمَالُه
أوقُلُ لي مين غير نبي
فى الدنيا كان معصوم
خد ايه معاه ف رحلته
غير بس اعمالُه
مسكين وعنها رحل
معلهش حتى هدوم !!
التعليقات مغلقة.