لُصوص رمضان بقلم الشاعر وجيه وسلاتي
حاذِر لُصوص فينا تِهدّ الّي تْبَنَى
هدّتْ صيامنا والتعبْ راح مِنِّنا
أوّلْهُم الشاشهْ إلّي راكنهْ في البيوت
تِفسدْ صيامنا ، بالتفاهة لْيومْ يِفوتْ
الأجر ينقص بالمُجونْ والمُغرياتْ
والنّفس طمّاعه كمان القلب ماتْ
تاني اللّصوص ، السّوق وْ أيّامو بقَى
الوقت فيه ضايع ، وْمالْنا كُلّنا
تالتهُم الباقي السَّهَرْ ، أخطرْ كلامْ
يِحرمْ قلوبنا م التهجّد والقيامْ
بعد المسلسلْ والطّعام ، يلّا نِنامْ !!
والرّابع المطبخْ حبيبنا كُلّنا
فيهِ النِّسا فايْتَا تِحضّرْ أكلنا
كثّرْ وْ صَنَّفْ كُلْ وْ عدّي هَت هنا
وقت النّسا ضايِع فْ أُطبُخْ مِدِّنا
والأكل يفضلْ بعدِما نملَى لْبُطونْ
وَعيونّا سارحهْ ف لْقطايِفْ والصّحونْ
خامس لُصوصنا الهواتف والعذابْ
تِلْهي قُلوبْنا بالمشاكلْ والعتابْ
غِيبه وْ نَميمه فْ كلّ ساعه وْ كلّ وقتْ
حاسبْ شِطانَكْ لو ساعتها إنت فُقتْ
والسّادس الكايِدْ دَا بُخْلَكْ في الفقيرْ
حاسسْ فلوسك دِي في ثانيه راح تِطيرْ
يِفضَلْ يِراجْعَكْ يِحرِمَك خِير الثوابْ
والفُرصهْ ضاعت وِبْ كِدا سَكَّرتِ بابْ
سابع لُصوصنا في مجالس كُلّها
خلّتْ نُفوسْنا نَسْيَه ذكر لْ ربّها
زيّ القهاوي والملاهي والقُمارْ
إلّي وْ ياما شَلِّ جِيبْ خَرَّبْ دِيارْ
ثامنهُمُ الغالي علينا كُلّنا
“الفيسْ” وْ غيرو فِ التواصل بينِّنَا
لُو تِتْلِهي يُومْ و انتَ ناسي ربّنا
ذنبكْ على جَنبكْ حبيبنا قال لِنا
التعليقات مغلقة.