توب الحنية بقلم شيماء عادل
ولإثبات ملكية قلبي
وان الايام مش فارقه معاه
هعمل لحياتي نظام وقتي
وهدوس ع الدنيا بدون ولا آه
وهعلم قلبي ان الطيبة
جابت لعيوني دموع ياما
وان الحنيه بتجني وجع
وحياتنا بتبقي كتير ساده
يا تكون في اللئم واخد تقدير
وتعيشها حويط
ويا أما هتفضل في الدنيا أهبل وعبيط
الكل هيلعب بيك كورة
وان جيت مرة فكرت تفوق
هيقولو أتغير ليه يا دنيا
ويحسوا انك أغرب مخلوق
يا تعيش بدماغك وتبيعها
يا تحافظ على كل المخاليق
الكل هييجي عليك وقتي
ولقلبك كله اكيد هيبيع
فكر من تاني
وعيد حساباتك للدنيا
ارسم من دمعك كل طريق
مفروش بورود
بيع إللي في يوم باعو حياتك
كل إللي رفض يجبر خاطرك
انساه واعتبره ماهوش موجود
وان مره لقيت قلبك بيلين
ويرد لتوب الحنيه
اقطع شريان قلبك باديك
واتذكر اوجاع لياليا
ما تلنش في مرة ولا تفكر
اوعاك دمك يوم يتعكر
ماهو ياما الكل لقلبك باع
اتفقوا عليك
طب مين فكر ياخد بايديك ويخفف عنك م الاوجاع
اياك يا ضمير ترجع وتصالح ايامهم
خليك فاكر الكل باعوك
واستلموك لعبة لايامهم
التعليقات مغلقة.