ياسندي وكل ماليا…بقلم أيمن عصام الديب
ياسندي وكل ماليا
ياأرض بحب مروية
يافرحة فوق جبين الورد
ومرسومة بحرفية
ياسيد الكل ياغالي
ياشمعة في ضلمة بتلالي
ياريس فوق جميع الناس
تراب رجلك دا فوق الرأس
ياغالي عليا ياأبويا
وفوق رأسي وجودك ماس
بحبك حب مااللي الحب
عاجز يابا عن فهمه
داأنا في حب لازلت بريئ
وبرضوا القاضي متهمه
وفرحان يابا أنا بحبك
يافارض كاالبساط قلبك
بحبك يابا والله
ياسندي وكل ماليا
يافرحة اتمكنت مني
ورسمت عالجبين صورة
وفوق الشفة كام بسمة
أبويا دي كلمة تملي كنوز
ولأجلك بعشق الكلمة
ياضي العين وفرحتها
ياشمس الكون يادنيتنا
ياقمر بينور الكوكب
وأساس وعمود رفع بيتنا
دي لعيوني ملامحك ضي
ياكل الخير وكل الجاي
دا والله مامالك زي
ياساكن دمي ووريدي
ياحب كبير بينصرني
وبهزم كل اهل الشر
وبضحك لما بتزورني
حبيبي أنت وعجازي
ولا عمرك بتكسرني
التعليقات مغلقة.