نهار الوجع… بقلم اشرف الشناوى شاعر عاميه البرامون المنصوره
النهار
فتح بيبانه
للغلابه الطيبين
والشقا فارد دراعه
فوق كتاف
المجروحين
والدموع عالخد
سايله
طوق بيخنق
مداحين
حلمهم مكسور
وسابهم
جوا ليلهم حيرانين
يبلعوا مر وتعبهم
فوق وشوشهم
حط طين
نفسهم ضحكة املهم
تبقى بين احلام
عيالهم
غنوه مليانه بحنين
نفسهم صبح الامانى
يشطب الليل
الحزين
نفسهم حبة اغانى
وسط احزان
السنين
نفسهم لو فجر عدا
من تعبهم مرتاحين
يلقوا بكره
بكل قسوه جى بيسأل
هما فين
جاى بكرباج الامانى
جاى يلم المهزومين
النهار فتح بيبانه
وحط عينه
عالغلابه الطيبين
والحيطان حاضت
وباضت
من دموع السكرانين
واللى عدا
فات بجلده
بس وسط الميتين
لو جهنم يعنى ارحم
من حياتهم
عريانيين ………….
التعليقات مغلقة.