آن الأوان ..كلمات ..محمد كسبه
الإيد في الإيد مع بعضنا
واقفين ثابتين على أرضنا
جدعان ولا حد يهمنا
ما خلاص دلوقتي آن الأوان
إللي زرع زرعة يضمها
ده الفاس بتعزق ارضها
و إحنا رجالة و قدها
و بكره الخير يملا المكان
بلدي و بصرة يا برتقان
يا محلا السنابل و العيدان
و الناس فرحانة من قلبها
و موسم الحصاد فتح البيبان
الخير أهه مالي القفص
و الغالي علينا خلاص رخص
و اللي جاب الوكسة اتوكس
ده الحق عمره ما نقص
اللي باع قبض التمن
و كله بالبخث إتوزن
و دوقنا مرارة الزمن
و الشر هيفارق أكيد
لكن النهارده احلي عيد
فرحة و ضحكة و يوم سعيد
في المزارع و المصانع و الغيطان
الخير كتير عمال يزيد
التعليقات مغلقة.