قسمتي ونصيبي …بقلم وحيدعلى الجمال
قسمتي ونصيبي
ساعات بشكر كتير حظي
وبوس فرحان كمان ايدي
بقسمة عدلها فيه
وحالي منها ونصيبي
وأطيب خاطري من نفسي
وبحضني
وغيب ماسك كدا في بعضي
وواسيني من الايام وقسوتها
واحكمها وافعالها في تغفيلي
وتضليلي
وبحسدني وردد جملتي فيها
انا احسن كتير خالص ومن غيري وأصبرني على وجعي
وأقول مهما تغلبني انا راضي
مهش كلمة على الفاضي
بلم دموع مطر عيني على خدودي فتغسل وشي من وشي
وتفصل مني مسكاتي
فتفضحني تضحكني
وانا غرقان على روحي مع ظنوني
تخبيني ملامح لسه مخطوفه
ومنحوته في عمر العمر
اللي ضاع مني م الخضه مع الحسرة
على بكرة فتجمعني على حروفي
اطبطب بيها فوق صدري
وانفخ فيها من روحي
فتتعفرت وتتكهرب تواريخي
وكام مرة تلاقيني
بتلعنها تراتيلي وألوم ظلمها ليه
وقول اشمعنى سيباهم
وجايه كتير باحمالها واحزنها
ورمياهم على كتافي
واخاف من فكرة العاصي
يكون بالقسمه مش راضي
يبات غضبان
فتتقفل بيبان الجنة من رفضه
ويطلع منها في الآخرة كمان عريان
يااول حد هيفسر كلامي عكس احلامي بدون مايشوف شقوق الصمت
في حيطاني
كانت ضمه ضلوع الرعب في الوحده وقتلاني معانى توصفك فيه
فيتمرد دبيب همسك في آناتي
كانك وانت بتعيط خايف تسمع
أزيز البوح في وجداني
بتتشعبط على ذاتك
عشان تقدر تبيع في
الضلمة احلامك
طوفانك موجه مش قادر يعدي بحر احزانك
ولا يحتل أحضانك ولا يغرق مشاعري فيك وياسرني
ورغم أن الخطر باقي على شراعي بدون مركب ماتجمعنا
لكن في عنيكى هتوضى
وعدي بصدق احساسي
خريطة قلبي مسروقة
وانا تايه مع ظنونك
ومتحاصر باوهامك
ومش قادر أحرر نفسي في حدودك
انا هعبر على جروحي
واسجل اسمي فوق اسمك
ولو كان الثمن روحي
وحيد علي الجمال
التعليقات مغلقة.