قصة حب محظورة بقلم : وحيد علي الجمال مجاراة لقصيدة المبدع الأستاذ سمير محمود ” فاكرة “
وليه قلبي صبح في الحزن اسطوره
بيتمرد على نفسة رافض نفسه
كأن القرب من نفسه وتغييرها
عمل خارج موانعه لسه محظورة
وليه ديما حيطان الصورة
مكسورة
وانا برسم ملامح وش مش وشي
مشاعري مهما تعصرها
وتظبطها بتطلع برضه تشبهني
لكن في الطعم مغشوشة
وبكذب كذبة مش جامدة
تلف في دايرة مقفولة
بتكبر فجأة وبترجع
أصدقها على نفسي واصدقني
تبان لي في عز احلامي
حبيبتي لسه مغرورة
وأعاتب قسوتي في بعدك
وألومك وانت معذورة
وافتش في اللي كان بينا
جايز كلمة تكون مرة
اخدها في حضني واتلكك
وتبقى حجة مقبولة
جايز موقف يكون عادي
في ثانية يكون بقى وادي
من الاحزان على دموعي
واحكم بينا 100 قاضي
يقف جانبي يثبتني وينصفني
يخلي المايلة وفي طبعي
في شكل مرايتي معدولة
عشان تثبت مواجعنا
وطعم الآه تشبعنا
فكان الحل تبعدنا
كأن الذنب مش ذنبي
خسارتي فيك مجهولة
لكن مش معني تبريري
وانا عذرك ومش غيري
حكايتي معاك فزورة
حقيقي بجد مش عارف
ابدل شكلي في الصورة
كأني الماضي ضاع بينا
معاه بكره مع الحاضر
عملت لقلبي كام نسخة
وبين النسخه والنسخة
قصيدة ناقصة مبتورة
ولو هتناقش المعني
وتعمل جلسة مفتوحة
مع استجواب معارضتها
جريمة حب ممنوعة
ومين ممكن يكون خصمة
جريح الحرف والمعني
بينزف قصة مقتولة
في صفحة عمر مقطوعة
انا سلمت من قلبي
بإنك كنتي مظلومة
التعليقات مغلقة.