راضيِّين وبالقسمه بقلم / حسن أبوعرب
أيام تعَدي وسنين تفُوت
والحُزن زي العنكبوت
فارض حصَارُه على البيوت
ناسج شِبـاك قلب الخُيوط
وانا مُش ولِّى !
ولا كنت معصُوم كالنبي !
ولا كنت يونس جوَّه حُوت !
أو كنت موسى فى التابُوت
أنا دمعه سَابْحَه فى الملكوت
لحُر قام يتحدى الموت
لملِم بواقي العَمر
والضَمهـَا كالسُبحَه
شمس الحياه لسَّاهَا مبتِسمَه
واغسل همُومـك كلها بِبُكَاك
دا القلب لو يوم رَق
تِصبَح يا ولـَدِى ملَاك
شفَّاف كما النِسمَه
يَبنِى السعاده رضا
مش بالحرير والريش
ياما ناس وعايشَه مفيش
مش لاقيَه كَسرُة عيش
أجساد وعاشقَه الخِيش
زاهدين كما الدراويش
راضيين و بالقِسمَه.
التعليقات مغلقة.