قهر الدنيا . للشاعر.وجيه وسلاتي
قهر الدنيا خلّاني
نتلذ لغيري وِنطيح
وحدي فيها وِنعاني
من غُلبي نجري وِنصيح
من أصلي ماني قلّاب
لكنّ زماني غلّاب
ولّيت في عيونكم كذّاب
جرّحتوا قلبي تجريح
يقوّيني ربّي وِنقوم
إن شاء الله آخر ضَعفي اليوم
نَرمي ورايا كلّ هموم
نْقول يا جبل ما يهزّك ريح
شمتّوا فيّا يا خسارة
دنيا راهي دَوّارة
ادّور ما تخلّي آمارة
غدوة يبان شكون صحيح
التعليقات مغلقة.