نُص عمر ..بقلم ..شيماء عادل
بعيش العمر بعيوني
عاشق كلام الليل
مع الحواديت
برسم بضي العاشقين
حكايات
قلبي بيغزل منها توبي
بفرح في سري
واخبي أيامي
أمي العظيمة
تحضن ف أوجاعي
بتلم مني عشم
افراحها ف الدنيا
هي إللي بتلملم
من ورايا التوب
عشمانه
تفرحلي بضمير
بتضم فيا
بواقي حلمي الجاي
وأنا جاي اخبي
جوه منها دمووع
برسمها شمعة
بتطفي بعديا
أمي العظيمة
كفايه حنيه
امي العظيمة
تعبتي م الاوجاااع
براح عيونك
خطي بالفدادين
لكنه رافض
يشوفني م الاموات
برغم بعدي
وسكوت حنايا الروح
وغيابي عنك
لكني لسه ببوح
برقيكي ياما
من كل عين حاسدة
ماهو مين ف هيبتك
ياما بعد ما اروح
بتقولي ابنك شهيد
وبروحه خطي جروح
أنا ياما برسمني وطن
وأبني البلد بدموع ودم
هو الشهيد لو مش شهيد
علشان بلاده يعيش بذل
انا ياما حلمي إللي اترسم
فدادين عناد
أنا عمري هو إللي اتحصد
لجل الولاد
أنا كام عليل
ميت عشانه بنص عمر
أنا سبت دمي يزرع الايام أمل
يروي البلاد
بضمير شباب
ميت شهيد
أنا ياما مش ميت بلاش
انا ليا جنة ربنا
كانت الحصاد
ماهو كله ميت وبمعاد
لكن شهيد الجنه
هو إللي من خير ربنا
يا حبيبتي فاز
أبنك شهيد
قيدي شموعك من جديد
قولي للوطن
يرسمني ياما ف عين ولاده
قولي للوطن
يذكرني ياما ف كل عيد
أنا أصلي ف الجنة شهيد
التعليقات مغلقة.