طرحي صيص… بقلم السيدابوقوره
لما قام النخل ميل
كنت فاكره جايبه عيل
لما يوم الشده يجي
أتسند عليه و أميل
أجيب لنفسي طرحه بيضه
وفي ظلاله أروح اقيل
لما قولت الحمل يتقل
ارمي حملي عليه واشيل
بس حظي كان قُليل
طرحي صيص و عمري لَيْل
ابني سابني وقال اسافر
طرحي مال عشان أعافر
وازرع الارض بأديه
تتروى بدموع عنيه
وفي حصاده بيواسيني
أملا بطني واملا عيني
ياللي هربان من حنيني
الف شكر يا ضى عيني
ليا رب هيراعيني
ليا رب هيراعيني
التعليقات مغلقة.