إيمان البحر درويش …بقلمي خون أنوب الجديد معوض حلميمنشأة بطاش .. تمي الأمديد .. دقهلية

إيمان البحر درويش …بقلمي خون أنوب الجديد معوض حلميمنشأة بطاش .. تمي الأمديد .. دقهلية

إيمان البـحر يامســكر كـما التـوته
معـاك القلـب كان يسـهر بزغـروطه
واشوف ملامحك وتر بيهز إحساسي
واكتب في كراسي سيرتك ف حدوته

إيمان البـــحر ، حـدوته وهاحكــيها
بعدك غناوي الحب ، ضاعت معانـيها
الساحه متلخبطه خاليه من الاحساس
فينك ياسيد الناس ، إرجـع وحلـيـها

إيمان البـحر ع السـاحه وكان هـاله
وكان قبـطان ، يلف الكـون ورحــاله
يهــل عليــــنا زي النسـمه ينعشـنا
وجـده الغالي درويشنا وكان حـاله

إيمان البحر يامخاوي سـجر وطـيور
صوتك ضمير الترع عبى مراوي النور
مشيت ياواد بدري وسيبت أحـزانك
راكب حصانك ، ورايح للصبايا الـحور

إيمان البحر ياضحكه ، ف زمان غدار
بعدك معادش غنا ، الغنوه طبل وزار
ليه كل حلو اتخلق ، ف الدنيا بيعاني
يامــر الحـاني ، لــو تعــــزفك أوتار

إيمـان البـحر ياسـيرة ، أمــل راقـــيه
طايره ف غيطان البلد بتدور الساقـيه
عدت على الصفصاف وهزت العصافير
لساك ياقلب الطير ، نسمة حنان بافيه