نص فاقد للمعاني.بقلم.وحيد على الجمال
مش هسقَّف زي غيري
مش هخالف يوم ضميري
وأمدح الفكر إللي شارد
تاه ولطَّش في الموارد
ضحكة صفرة بدم بارد
أنكِر المضمون وأخالف
مش هسيب الباب موارب
مهما تزعل راح نعارض
إوعى تغضب أو تكابر
المهم تكون مثابر
هي كبوة، قوم وحارب
الحياة أُم التجارب
وأما تنجح مش هنزعل
لو تعلَّق في الكهارب
البحور لازم تصونها
ويَّا أنغام القوافي
مش عليها تمر هارب
مش تكون في الزفة ماشي
زي الأطرش في الموالد
قلبي واحة لكل غاوي
أرمي بالحب التماسي
وأجبر الخاطر وأواسي
هي يعني جت عليّا
كله بيقول ميه ميه
بس واضح إنه فاهم
إن أصل الشغل تافه
عمري أبدًا مش هنافق
والجميع بيقول ده جامد
مش عشانك راح نبارك
نص فاقد للمعاني
رغم إنه شكله صادم
بس واضح إنه بارك
جوه أسوار المهالك
أضحك الضحكة الزيادة
القصيدة ناقصة حاجة
فكرة ضايعة جوه حالة
انفصام في المعنى واضح
وازدواج فرح ومواجع
والتاريخ أسود وداكن
لونه علِّم في الأماكن
ألف شكر لكل داعم
إللي كان واعي وفاهم
هيّا إيه كانت رسالتك
إللي مقصودة في كلامك
حاجة ناقصة جوه نفسك
زي طير مدبوح مفرفر
بس وقت الموت بيضحك
وإحنا مش فاهمين وجيعته
هو مستمتع بحالته
ولّا طالب للمساعدة
إوعى لما أسأل تبرر
إنه كان قصدك وقصدك
القصيده وقت نشرك
أصبحت مش بس مِلكك
حق غيرك إنه ينقد
باستفاضة
إنت فاهم
كل كسر تضيف علامة
مش بغلطة في القصيدة
راح نقيم فيك القيامة
هو بس الحب ليك
كان في حقك كان زيادة
وحيد علي الجمال
التعليقات مغلقة.