فى ليله شتويه …شعر حسن أبو عرب
من عزبه منسِيه
عُمدتهَا على سرحان
وف ليله شتويه
كان القمر سهران
ضحكتلي جِنِّيَّه
جمالها كان فتان
طلعتلي م الميا
وقالتلي ياسلطان
العشق بالنِيه
لا بمال ولا اطيان
عايزاك تكون لِيَّا
م الورد نجنِّى الوان
تجمعنا طبليه
زادها رضا وايمان
الحرف عاميه
الْسِّحر منه بيان
قُلتلهَا ايه عاجبك
شاعر فقير كحيان
تمَلِّكيه قلبك
وتفضلِيه ع الجان
يصبح رفيق دربك
والله عجيب يازمان!!
قالتلِى دا قَدَرَك
ربك كريم جبرَك
عَشقَاك عشان انسان
عشقاك عشان انسان
التعليقات مغلقة.