كله ..فيك (fake) بقلم / علا فياله
كله………… fake
كله عامل مِشْتريك
كله ساعة ما تناديهم
تلقى صوتك بين إديك
كله أصبح Photo خادع
بال Edit تهرب مواجع
والحقيقه واضحة لكن
دنيا فيها الحق ضايع
كله شارب كاس فراق
كله كاتم الاشتياق
ناس تتطبل للغناوي
وناس تتطبل بالنفاق
كله لابس Mask إنه
الوحيد اللي تأمن له
وأما بس ف يوم تقرب
تلقى كل الغدر منه
يعني عادي بقينا نكدب
لما نتواجه…….بنهرب
صوتنا دايما يبقى عالي
لاجل ما ع الحق نركب
هي دنيا ال fake سايقها
ماشيه عكس اللي يضايقها
لما يوم بالحق تنطق
يبقى موتك مش فارقها
يعني حقك مات ف جوفك
إنت fake كاره ظروفك
يعني فيها تكون تملي
بهلوان للناس تشوفك
التعليقات مغلقة.