احلَم معانا باللُقا شعر/ حسن أبو عرب
انا السجين اللي بعشقِك
اتسجَن
مابين آلام ومابين آهات
وبدُون تمَن
انا سجنِّي كان بين الضلُوع
وصديقتي كانت وحدتي
ويَّا الدموع
سجاني كان هو الزمن
حاولت اتُوه وِسط الزحام
يمكن انسى للي كان
لقتني باسأل عنها
نبض المكان
اللى اتهجر واللى اتسكن
واتاري قلبي بحُبهَا
دايب صبابه فى عشقها
والدنيا عندى كلها
متساوي لحظه فى بُعدهَا
من سحرهَا قلبي اتفتَن
سألت عنها العاشقين المُغرمِين
قالولي فات يبني الأوان
بالعشق قلبك اتعَجَن
وصعب تنسَى للحبيب
اللي ملَك قلبك سكَن
احلم معانا بالُّلقا
يمكن فى يوم
تلقَى الحبيب
ويضْحَك لنا تاني الزمن
التعليقات مغلقة.