صديق المصلحة … شعر حسن أبو عرب
ازاي تقول انك سَوِي
وتدوس على ورد الربيع
ياصاحب الحرف البديع
ياصحبي فعلك صار وضيع
بتبيعنِّي ليه بارخص تمن
وشايفني ليه غير مؤتمن
يمكن عشان واضح صريح
معرفش اكون غيرى انا
الكل عندي بيكون حبيب
صوتي من دماغي ياجدع
معرفش يوم اضرب ودع
ابنى واخويا كما الغريب
والعقل زينه ازاي تخيب؟!
لو كان فى قلبك يوم جمال
ازاي يغيب؟!
تلغي لصداقتي يا أديب
وتبيع لعيشنا وملحنا
تصبح لي ديب
دا الشعر نور
والشعر أصله من الشعور
أحاسيس تفوح منها العطور
وتداوي للأوجاع تطيب
والله أفعالك دي عيب!!
التعليقات مغلقة.