بطل الأبطال… كلمات الشاعر محمد سيوفي
عــــــجبي على رايــــق متدلــــع
بطل الأبطال …
تحــــلف بحيــاتك ولا شــوفتش
فى جماله جمال …
النـــــــــاس تتمنـــــى تقربـــــــله
ويعطف بوصال …
تتمنـــــى بإســــــــمه تندهـــــــله
ولو صدفه يا خال …
ومافيش في كلامهم غير سيرته
ومعاها سؤال …
ليــــــه لمــا بيمشــي ويتدلـــــــع
يحصل زلزال …
الأرض بترقــــــص م الفــــــرحه
وعيون الناس تفضل ســــــارحه
وإنت ومنديـــــــلك والطــــرحه
ولا هنا عالبال …
فرســان خيــاله أما شافوكــــي
إتفتنــــوا بســـــحرك حبّوكــــي
راحــــوا جري لعمك ولابوكــــي
طالبين لحلال …
لكن إنت بترفــــــض بالغالـــــي
ويقولوا ده طالــع في العالـــــي
أومال لو عـــاشق على حالـــــي
يروح فين يا غزال …
ده أنا كـل إلّي معــــايا حنيــــن
وحبّة أشــــــواق ليــها سنيــــن
متشـــــــــاله ف قلبي المسكين
من غير دهبايه وأموال …
لو ترضى بعاشـــــق على حالي
وتكــــون لي نصيبي وموالـــي
تحــــــــلو الدنيـــــــا وتهنالـــي
وتكــــون على قلبي ســـــلطان
التعليقات مغلقة.