يابا العمده..العمودية..
بقلم زين ممدوح
حمدالله ع السلامة يا عمده
الله يسلمك يا مرزوق
كنت منور التليفزيون
عجبتك يا وله
طبعا مش عايزة كلام
بس ليه يا عمده لما بتطلع فى التليفزيون بتقول كلام مغاير للحقيقة
كل كلمه قلتها حقيقة يا مرزوق
بقى كفر أبو السعد فيها صرف صحي من سنتين
معمول حسابه فى الخطة يا وله
وكمان الكفر هواه نقى معندناش تلوث
وفين الوحدة الصحية دى
إحنا للنهاردة بنكشف فى عزبة أبو جنديل
وكله كوم واننا فى الكفر بنفطر كورن فليكس كوم تانى
كورن فليكس يا عمده
ما انتش فاهم حاجه يا وله
آنى لازم أقول كده
الكرسى يا وله
العمودية !
التعليقات مغلقة.