فاتارين ومانيكات كلمات الشاعر/ أشرف الشناوي
لو لسه
زى زمان
بنحب بصدق
ونحافظ عالجيره
ونكمل بعض
ونحس بوجع الغير
ونطبطب في جراحنا
كانت تكتر افراحنا
طب فين الطيبه
وعطف الناس على
بعضيها
طب فين الرحمه
اللي محدش عارف
يلاقيها
طب ليه الدنيا
بقت غابه
والناس بتقابلك
تتبسم
وتبوس وبتحضن
وتقسم
والوش التاني
ملان غيره
فيه حاجه اكيد
سقطت فينا
مش كنا زمان
احسن بكتير
اي والله الفقر
دا كان حشمه
كان أكبر نعمه
بس احنا اتبطرنا عليها
الناس القرش
عمي عينيها
والكل خلاص بيبيع
لحمه
ويشتري اوهام
بيعيش بيها
فاتارين مليانه بمانيكات
وصور محبوسه
في براويز
حكايات بتموت حكايات
ونهز التوت فابيرميلنا
كام قصه عاشوها
الأموات
مش كنا زمان
احسن بكتير
مش كنا بنفرح ونطير
زى العصافير
وأما بنتعب بنلاقي
كام حضن سرير
مش كنا زمان احسن بكتير…………….
التعليقات مغلقة.