ضمي قلبي شعر .. حسن أبو عرب
ارمي يلَّا أوام كسوفِك
واحضنيني بين رمُوشِك
ضمي قلبي مابين كفوفِك
واوعي شئ فى الكون يحُوشِك
سحر عينِك سهمُه راشِق
قلبي سلم لجل عاُشِق
أصله ناشئ !
لسه بتهجى لحروفُك
عارفَه كل الدنيا ديه
انتي كَفه وهيَّ كَفه
يا اللي نبعِك فاض بعِفَه
دثرِيني مابين صفُوفِك
دا انتي قمرَه فى عز ليل
شمس حارسَه غيطان ونيل
عن هواكي ازاي امِيل
لو مابينا ألف ميل
باحضُنُك واتمنى اشُوفِك
ارمي يلا قوام كسوفك
واحضنيني بين رموشك
ضمي قلبي مابين كفوفك
التعليقات مغلقة.