قتلوا الحمام…بقلم اشرف الشناوي شاعر عامية البرامون.المنصورة.
حاولت اعبر عن هوايا
وان حبك كان معايا
م البدايه للنهايه
دا انتي ياغزه
اللي فاضله م العرب
في ايديكي رايه
صدقيني لما اقولك
ان انا بيكي المتيم
واني عاشق لون عينيكي
وان قلبي بجد حبك
وانتي قاعده في المخيم
لما يعني بتيجي
صورتك عالشاشات
بلقي قلبي
زى مدفع رشاشات
بلقي كل الكذب
يام عيون جميله
في لحظه مات
بلقي كل الدنيا راكعه
وانتي وحدك
وسط سيل نازل دانات
اه ياغزه يام ضحكه
دغدغت فينا السكات
قتلوا الحمام
دبحوا الحمام
جوا البناني والغيات
افردي شعرك ياغاليه
والضفاير نزليها عالبنات
مهما كانوا
فانتي غزه
وهما حبة ذكريات
انتي باقيه وساقيه
تسقي كل شبر بيدعي ليكي
بالآيات
تسلمي يام العروبه
والتاريخ شاهد مامات………….
التعليقات مغلقة.