هي فلسطين…بقلم اشرف الشناوي شاعر عامية البرامون -المنصوره
علشان البت الغاليه
اللي بتضحك
وف وسط بارود
وبترفع في علامة النصر
وف وش قرود
علشانها بندعي وبنهلل
ونقول مبروك. مبروك النصر
اللي في وشك باين في النور
بتحدي العالم ويكسر
ويعدي السور
عصفور بيحارب بالنبله
فوق غصن زتون
ويهز العالم ويغني
لو فين مايكون
محلاها الضحكه
اللي في وشك
بترد الروح
وبتسقي الحلم
اللي في بالنا
وبقاله سنين
ماهي نفس الارض
اللي عشقها كل السلاطين
هي فلسطين
هي اللي بتلبس دايما
اشيك فساتين
اسمها بيزين في بيوتنا
وتنور بيه الميادين
تحيا فلسطين
تحيا فلسطين …………
التعليقات مغلقة.