اسألوا طفل الحجاره …شعر السيد الشيتى
اسألوا طفل الحجارة
إل كان مولود ف غاره
وإل داق طعم المراره
إل شاب من يوم ميلاده
حس بالغربه ف بلاده
من زمان والصبر زاده
إل شب على القنابل
وإل شاف القصف وابل
كل يوم الموت يقابل
والكفاح زرعه سنابل
روحه على كفه شايلها
نهار حياته زى ليلها
وهموم جبل يعجز يشيلها
مولود برىء في حضن موت
حاصر حياته اخطابوط
عايش اسير كل الضغوط
رفض الاهانه والسكوت
مولود وعارف ان
ف الموت الحياه
ومفيش وطن بيموت
واصحابه وراه
حُب الوطن عايش
ف وجدانه وسماه
اهدموا بيوتنا
هيأوينا الركام
ميهمناش بطشك
ياخفاش الظلام
دا الموت على
صدر الفدائى وسام
من مدرسة بحر البقر
للمعمدانى
قتلوا البراءه ودمروا
كل الأمانى
نور الضمير ال انطفا
هدم المعانى
ودا مش جديد دا الغل
حته منهم
والغدر والخسه بيجروا
ف دمهم
دم الوليد يحكى
بشاعة ظلمهم
لو يموت مليون شهيد
بكره يكبر جيل جديد
عزمه اقوى من الحديد
متربى ع الغدر ف عنيكم
بكره عند الله يقاضيكم
تشهد الدنيا عليكم
يارب حرب من السما
تهد اليهود
وتخلى نور الشمس
فى غزه تعود
واكتب لجند العزه
وأولادها الصمود
واكتب لنا ف
المسجد الأقصى السجود
التعليقات مغلقة.