تعتيم…بقلم چيهان النجار

بفوت من حارة على حارة الم اللحم في شيكارة
وماشي اَهيم
وكاميرا الظلم رصداني مع التعتيم
وناس م ناسي لوامة
وانا الميت
وانا المصلوب
وانا اللي رافض التسليم
ورغم بصيرتي وعْمَاهُم
قلوبهم رافضة اقداسي بقى معقولة دول ناسي…..
وانا المجاني وانا المغلول
مافيش مسؤول
يقول الحق
…….وانا المسؤول
يقول للغول عينيك حمرا….
يقول حرموا الخمرة
يا امة كلها مساطيل
يقول للظلم
مهما ان طال عمره قليل
يقول تراتيل من المزامير
عن العودة
عن المفتاح
عن الأبواب
عن الأسباب ينام ليله بضمير مرتاح
مافيش تباريح
ولا حتى بأغاني الصبر
قلوبهم مقبرة للجبر
قلوبهم طوب بتغوي
ذنوب…… آهيين م الكبر…….
وليه اظلم صنيع الطوب
وهو قلوب بتسعفني في وقت الضيق وهو في كفي سلاح وصديق ولا يسمحش بالتضيق وهو صريح وهو المد والتسليح
قلوب قاسية وللاحرار ليه ناسية وانا الهايم فى ايدى شيكارة للأشلاء وقصة دايرة على المجاريح
كلامهم سيف
قتل…. كبدي
آهيين م الظلم يا ولدي اجيب الصبر بس منيين وكفننك
كيسة وشيكارة
وعين باكية ومختارة
وعايشة الصبر ع اليمين يا حربة فاجرة وجبارة….
كفاية ظلم
ياااا الخاينين…..