كل العرب… شعر حسن أبو عرب
أشجارنا ليه قطعوا فروعها
والمركبه كسَرُوا قلوعها
شوارعنا تشرب من كُوعهَا
كُتر البُكَا طَفَّى شمُوعهَا
والكل باع واشتر ى فينا
حتى الربيع غايب عنَّا
وإن جانا مره ما بستنَّى
نحلم ودايما نتمنى
كل العرب قاصده تهنَّا
واتكالبت الدنيا علينا !!
الحسنه قالوا عليها ذنوب
والملتزم رجعى ومعيوب
والقاعده:-
(ربك رب قلوب)
مهى دنيا ماشيه بالمقلوب
ومنها ايه اللى جنينَا.؟!!
التعليقات مغلقة.