وابرهه والفيل.بقلم.اشرف الشناوي
بياخدني الهوي ولحد الباب
عاشق والنبي ماتردي جواب
وحياة النخل العالي في حضنك
مايعيش على ارضك يوم لبلاب
بكره الياسمين هيطلع ورد
والضحكه تبان من فوق الخد
والكل يغني يامحلا عيونك
اه ياغزه الله يحفظ ويصونك
ويخلي شبابك عود وعامود
في عيون البعدا
اللي مايتسموا يهود
بياخدني الهوي ولحد الباب
وارمي لك كل ماعدي سلام
واحضن ورداتك واهدي وانام
واقوم مفزوع على صوت الضرب
القاكي لوحدك وسط الحرب
َوبارود ورصاص وازيز طيران
ودموع بتسيل تغسل أوطان
ولا حدش سمعك م المساطيل
ولا حدش قال دا الكلب عويل
مع انك طالعه على القنوات
او منذ قليل
الضرب في غزه
وابرهه جاي بالفيل
هيهد الأقصى
ويبقى القدس قتيل
اشرف الشناوي
شاعر عاميه
التعليقات مغلقة.