مصر الحلوة … بقلم أحمد فؤاد الهادي
ياحلوة يللي فستانك
نقش لونه بألوانك
ورب الكون ف أحضانك
طرح خيره لسكانك
وانا عاشق لفلاحك
عشق أرضه وداب فيها
ولو ظالم قوي جبار
ميقدر يوم يخطيها
وانا عاشق مكن داير
وقدامه شباب واعي
شباب راقي ومتعلم
وفكره فكر إبداعي
وعاشق جندك الأبطال
بأرواحهم بيحموكي
أسود كاسرة فدا الأوطان
يبيدوا من طمع فيكي
ياحلوة عند كل صلاه
يقوم نيلك يوضيكي
تنادي انتي بسم الله
ملايينك تلبيكي
يبيعوا الدنيا وتعيشي
يغنوا معاكي ألحانك
يحلوة يللي فستانك
نقش لونه بألوانك
ورب الكون ف أحضانك
طرح خيره لسكانك
5/11/2023
التعليقات مغلقة.