الجذور …شعر أحمد فؤاد الهادي
اقطع الورد وادفنة
افتري واملا القبور
غصن وإياك ترحمه
واقضي حتى ع البذور
تطرح الأرض زيهم
كأنهم يوم النشور
هما وراك بعزمهم
وبعزمهم أنت تغور
وطن وساكن قلبهم
والأصل ثابت ف الجذور
ـــــــــ
كَسَّر وهِد واردم وسِد
واطلب مدد من ألف قرد
عمر التراب مايقبلك
دا أصله من كم ألف جد
أيه تاني ممكن تعمله
عَارَك ماتقدر تغسله
وخسارة فيك ماءنا الطهور
م قولتلك أرحل وغور
وارجع وتوه بين الجحور
وطن وساكن قلبهم
والأصل ثابت ف الجذور
ــــــــــــــــــــــ
10ِ/11/2023
التعليقات مغلقة.