فين الغضب؟! شعر حسن أبو عرب
وبتسألوني عن العرب!
فين العرب؟
فى اللهو عايشين والطرب
الكل فَاتنَا وقام هرب
قدم مبرر ع الطلب
دى القدس صامده بتنضرب
وانتي اللي وَحدِك صابِرَه
ياغزه فى وِش التَتَر
فين الغضب؟ يالَا العجب!!
كل الكِلَاب مترَصَّصَه ومتربصَه
واقفين هِنَاك ويَّا الديابَه المسعُورين
أما الولاد المخلصين
رجاله بتموت كالشجر
يا قَطٍر عَدِّى ويَلَّا فُوت
واصرُخ ياموت
من جِوَّه قبرك ع السكوت
هِز التابوت
واندَه علينا بأعلى صوت
غزه ياصُم بتحتَضَر!!
التعليقات مغلقة.