“صباح العافيه ” شعر / أشرف الشناوي
ياغزه….
صباح العافيه
يادافيه
ياماسكه الدفه
بايديكي
يافارشه الحلم
من عكا
لحد جنين
صباح العافيه
لعيونك وللبساتين
يالابسه في توبك العربي
وشالك لسه فوق راسك
وحراسك وبالملايين
صباح العافيه
يادقه حروف اسمك
على الميادين
يافرحة كل دار بيكي
وكل الخلق بتوطي
على ايديكي
تبوس وتحني وتسلم
صباح العافيه
من قلبي اللي داب فيكي
ياطعم النصر لعيونا
لولاكي احنا ماكنا
ياشايله العود باوتاره
وواخده للوطن تاره
ياواقفه وصالبه وفي عودك
يامحلا الدنيا بوجودك
ولا هزك وجع مره
عشان عمرك كدا حره
ولا عمرك تطاطي الراس
وعندك م الحمام ياما
كتير حراس
صباح العافيه يادافيه
يابنت الناس ……………..
التعليقات مغلقة.