عاديات… شعر حسن أبو عرب
غزه صامده فى الميدان
رغم كل خسيس جبان
مد ايده للكيان
باع لأهله وقال كلام
كله فايت كله بايت
كله سايق فى الجنان
واللى حاسب ع الفاتوره
شعب غزه دا المدان
ليه انحنينا للى خان
فانحنى شموخ المآذن
وانكسر منها الهلال
فوضى سادت وانحلال
يومها بس مات بلال
وانخرس صوت الأدان
ياغريق والموجه شدت
توبه ولأياديها مدت
ضمت القلب بحنان
الشتا دق الببان
والسما دمعاتها نازلَه
من غيوم الصبر غازلَه
توب فرح للمهمومين
دمعه تتحدى السنين
مطره وتطهر قلوب
م الخطايا وم الذنوب
تفحت الصخر بسنانها
عزم ثابت من ايمانها
كالجبال راسيه فى مكانها
حتى وان هدوا فى كيانها
او تغيب شمس الزمان
بالعزيمه وبالايمان
تتولد شمس النهار
نورها يتحدى الحصار
ينضبط ميل المسار
تقتل الخوف الجبان
يارياح سامعين صهيلها
فوق بساطها رامحه خيلها
السيوف ما اجمل صليلها
فوق رقاب كل اللى خان
عاديات والفجر لاح
طايره وبدون الجناح
حي حي على الفلاح
كبري علِّي الصياح
اوعي ترضي بالهوان
رجعينا ولأصولنا
واغزلي بالعدل نولنا
حتى وان شردت عقولنا
من رضاب شهدك ونولنا
جنه أحضانها الأمان
التعليقات مغلقة.