” بحِبك زى ماتكوني ” كلمات/ حسن أبوعرب
ومليون ضَيِّ مِن ضَيِّك
ياضَي العين
قُولِيلي مين زيك
ياست الحُسن يشبهلِك
وزيك مين
ياراسمه فوق خدود الورد
ضحكايه وغنوايه
يغِير الحُسن من سحرِك
ياساحره م القلوب ملايين
يادُرَّه فوق جبين الدهر
بتزِينُه
ياقصصُه وكل دوَاوِينُه
وفَرحِة كل قلب حزين
ياشمس منَورَه كُوني
بحِبِك زي ماتكوني
ياكلمة ربنا كُونِي
فكنتي كنانتُه بمشِيئتُه
ياشمس وطَنَّا وأميرتُه
ياحصن حَصِين
يابستان الهنا كُلُّه
ياجنة قلبي يا فُلُّه
يا أُم وعاشقَه للمساكين
التعليقات مغلقة.