يابا العمدة “الروتين !”
بقلم زين ممدوح
إلا قولى يابا العمده يعنى إيه روتين
الروتين ده يا وله،من الأسباب الرئيسية لنهضة الكفر وتقدمه، ومش كده وبس تهذيب وإصلاح!.
ازاى مش فاهم
لا هو انت فكرك ييجى مواطن يعمل موضوع معين، ويمشى كده على طول،لا وألف لا ،كده يتنمرد علينا،لازم نلففه كعب داير،الختم مش واضح، صور لى الطلب ده ٣٠ صورة
بس ده تأخر يا عمده عمرنا ما هنشوف تقدم
طول ما الروتين فوق دماغنا
رايح بالك مش هدّخل الفاكس،ولا أيتها ايميلات وتكنولوجيا الكفر خالص، كله بالإيد،سلو بلدنا يا مرزوق وقد وجدنا آباءنا عليه عاكفين
يا عمده الروتين هيعطل عجلة التقدم
ملكش دعوة انت،هنوديها عند عوض بتاع الكاوتش يصلحها
عليه العوض ومنه العوض !!
التعليقات مغلقة.