ع النواصى .. بقلم.. حسن أبو عرب
ع النواصى الشمس طله
والغيوم خانقه السحاب
فى بشر رافضه المذله
وغيرها راضى بالعذاب
ياما تلقى كلاب وضاله
فى البشر غارزه النياب
لافى عُرف ولافى مله
والذمم صابها الخراب
ياما خلق زمانها ولى
والجتت صبحت تراب
رحلوا وبدون أى عله
حلمهم أصبح سراب
دا الدفا نبض الشوارع
والحروف طَرح الكتاب
والحانَات غير الجوامع
والسؤال شيئ و الجواب
اعلِنوها ع المسامِع
القمر غير الشهاب
والِّلى جرَّف غِيْرُه زارع
والخطأ غير الصواب
كنت مهمل.. كنت بارع
فالِّلْى عاصى غير اللى تاب
كل صنعه وليها صانع
كل واحد له حساب
التعليقات مغلقة.