عيلتي المزيانة ….قصيدة بالعامية التونسية بقلم الشاعر وجيه وسلاتي من تونس
أنا عندي بْنيّة صغيرة
تحنّ عليّا بّوسة كبيرة
تقوللّي بابا أنا أميرة
وانتا سلطان سْلاطينْ
ربّيتها في حُضني الدّافي
نغير عليها و قلبي صافي
بنتي الغالية لا ما تخافي
حُبّك مقسوم بين اثنين
ماما زادَ احنا نحبّوها
تغيب علينا نشتاقوها
ديما بالخير نْوِدّوها
راك والله مَمّو العِينِين
و عندي خواتي م الحنّونة
يُوسه المزيان و زَيدونه
يا ما أحلى العيلة التحفونة
ربّي يُحرُسنا مِ العِين
التعليقات مغلقة.