ف الرحيل .بقلم.شيماء عادل
ف الرحيل
هَدّيتْ ملامح بكره جوايا
ورميت في ضل عتمتي
كام سؤال
اتنين بياخده م الكلام
شطرين لقا
يتجمعوا يحكوا حكايات
والعين تطَول ف النظر
بتعوض العمر اللي فات
تحضن برمش الصبر
لحظات من لقا
وتخبي عمر من الدموع
ومن العتاب
ومين غبي
يعتب علي سنين الضياع
وقت اما نور الشمس
بيفتح رضا
او حتي يتذكر
عناد المجروحين
وقت اما تاه منا الطريق
وقت اما تجمعنا الليالي بضلها
ما تلومش حبات المطر وقت الفراق
اشبع لقا واروي الحنين لحظة رجوع
احضن بقلبك كل لحظات الفرح
وانسي ان يوم من غير سلام
سلمت قلبي للوداع
التعليقات مغلقة.