ويكون الوطن.بقلم.د/أحمد مرزوق
تترجي فيا الروح..
أروح منك خلاص
بس الجدور ضاربه فـ أعماق التاريخ مليون سنه..
شيلي الركام من فوق فؤاد مدبوح ..ممزق ..
إرفعي عني العنا ..
نفسي أغني إنما..
بيموت على لساني الغنا..
تترد فيا الروح ..
وروحي مرفرفة فوق في السما
أبعد عن الأرض الخراب..
بس الجدور غارزه ف أعماق التراب
من ألف عام
مستني إنك ترفعيه
وتوقفيه.. طفلي الصغير ..
كان بيحبي فوق براح الأرض
راح ويا التراب
ألقاه على صدري حطب ..
ابني الصغير كان بيرسم فـ الوطن ..
قصفوه..معاه أمه وأخوه ..
كان لسه بيلون خريطة للوطن والقصف شاله.. شوفيله لقمه ..
كان جعان ..عطشان ..طري..
غصني الصغير كان طري ..
أسمر كأنه من تراب الأرض ..
هينبت ويطلع تاني أخضر
زي أشجار الزتون .
تلاقيه منبت ..
له جدور ..زي الزتون..
من ألف عام ..
والأرض بتلون عنيه..
بتلون الأحلام في صوته ..
إنما
قصفوه فـ تاه تحت الركام ..
بذره هتكبر تاني ..
ويكون الوطن
د.أحمد مرزوق
التعليقات مغلقة.