ليه زمن .بقلم.جمال السمطى
بالله عليك ما بتتكسفشي
و إنت شاف عامل ما شافشي
و الشوف كمان يُعتبَر
شوف ع المَدَاق و الكيِف.؟
معقول ما شوفتش لو طشاشاً
كل هذا الإرتعاشاً
و الفساد اللى بزياده و البلاده
و النِفاق.
و خِناق بطون و رغيف.؟
إرحم بقي
خَليت خلاص ولا عاد هِنا
نِدعِة شهيق نَفساً لنا..
ولا عاد هَنا ولا عاد غُنى
ولا فرحه م اللى بدَندَنَه..
و جميع فصول عُمرنا
خليت ربيعها خريف..
معقول.!!
معقول نكون يا زمن
حَرافيش رُخاص مالناش تَمن.
أو مش بشر مثلاً
معقول قَدرنا نكون كده
مذاليل لهذا و دا وِ دا
ولا لينا و ف حَضرِتك
يااااا حضرتك
أصلاً ولا فَصلاً.؟
طب هل كمان مش حقنا
نِعزف حياتنا ب لحننا
ماتكونشى مِتلعبكه و مِتدَربِكه
و مِتفَبرِكِه
و ماهيش حياه أصلاً.؟
دي لا عايزه تضحك لِنا
ولا عايزه تِغمِز لِنا
ولا عايزه تِسمع لِنا..
ولا عايزه تِصرِف للخلايق
ع البطايق
يوم و واحد ف السنه.
يتسمى يوم عَسلاً..،
( السمطى )
التعليقات مغلقة.