” قبل الفراق “كلمات/مصباح ابوحماد

” قبل الفراق “كلمات/مصباح ابوحماد

حتى من قبل الفراق
كل حاجة واحشانى فيكي
قلبى داب من الأشواق
وانا عيني لسه ف عينيكي
..
بس قوللِّي ياروح الروح
مين في بُعدِك هايواسيني
وانتى بلسم للجروح
نظرة منِّك بتداويني

ف ضىيِّ وجهِك الصبوح
بهجة دايما بتناديني..
واسمعِك بلبل صدوح
نغم صوته بيحاكيني

والله صعب انك تروح
صعب تبعد عن عيوني
دا لما عن عيني تروح
بالقى روحي بتناديكي

حتى من قبل الفراق
كل حاجة واحشاني فيكي.
قلبي داب من الأشواق
وانا عيني لسه ف عينيكي.
..
الضحكاية اللى بشوفها
كل يوم جوّة ف عينيكي
رقة قلبك فى جمالها
خلّت روحي هايمة بيكي

حتى دموعك لما اشوفها
خلِّت قلبي يرقّ ليكي
راح يسيبني عشان يحوشها
قبل ماتحوشها ايديكي

وبحنانى لصدري اضمك
وبحنان اطبطب عليكي
اسهر ليلي ويَّا همك
حتى تعود ضحكة عينيكي

حتى من قبل الفراق
كل حاجة واحشاني فيكي
قلبى داب من الأشواق
وانا عيني لسه ف عينيكي.